Idman.biz
Rusiyalı fiqurlu konkisürən Veronika Jilina Beynəlxalq Konkisürmə İttifaqının (ISU) ona idman vətəndaşlığını dəyişməyə icazə verməməsi qərarına özünəməxsus şəkildə reaksiya verib.
İdman.biz xəbər verir ki, idmançı bu münasibətlə şəxsi sosial şəbəkə hesabında yumoristik video paylaşıb.
Kadrlarda Jilina buz meydançasının kənar səddindən tutaraq sallanır və görüntüyə "Bu günkü xəbərləri eşidəndə..." sözlərini əlavə edib.
ISU Şurasının iclası iyulin 4-5-də Lozannada baş tutub. 2025-ci ilin mayında Jilina Azərbaycan pasportu aldığını elan etmişdi. Lakin Rusiya Fiqurlu Konkisürmə Federasiyasının (FFKKR) İcraiyyə Komitəsi ona buraxılış sənədi verməyib.
FFKKR prezidenti Anton Sixarulidze bəyan edib ki, Jilina Rusiya millisinin üzvüdür və başqa bir yığmaya keçə bilməz. O, həmçinin idmançının ölkədaxili turnirlərdə niyə iştirak etmədiyini anlamadıqlarını vurğulayıb.
İdman.biz
