Idman.biz
Almaniyanın Reyn-Rur regionunda keçirilən Universiadada Azərbaycan ilk "onluq"dan uzaqlaşır.
İdman.biz-in Almaniyaya ezam olunmuş əməkdaşı xəbər verir ki, komandamız ümumi sıralamada 14-cü yerdədir.
Bu nəticə qrup hərəkətləri yarışlarında iki qızıl və bir gümüş medal qazanan bədii gimnastlarımızın sayəsində mümkün olub. Komandanın heyətində Ləman Əlimuradova, Güllü Ağalarzadə, Darya Sorokina, Kamilla Əliyeva və Yelizaveta Luzan yer alır.
Daha dörd komanda – Honkonq, Tayvan, Çexiya və Portuqaliya da hərəyə iki qızıl medala sahibdir.
Medal cədvəlində Azərbaycan İspaniya, Fransa, Braziliya, Kanada, Avstraliya, Gürcüstan, Danimarka və bir çox digər ölkələri qabaqlayır.
Qeyd edək ki, hazırda birinci yerdə ABŞ (28 qızıl, 20 gümüş, 24 bürünc), ikinci yerdə Çin (19-20-5), üçüncü yerdə isə Cənubi Koreya (14-7-17) qərarlaşıblar.
İdman.biz
