Idman.biz
Almaniyanın Reyn-Rur bölgəsində keçirilən Universiadada Azərbaycan medal sıralamasında yeddinci pillədə qərarlaşıb.
İdman.biz-in Almaniyaya ezam olunmuş əməkdaşı xəbər verir ki, bədii gimnastika üzrə qrup komandamızın çoxnövçülükdə qazandığı qızıl medal Azərbaycanı ümumi sıralamada 7-ci yerə yüksəldb.
Ləman Əlimuradova, Darya Sorokina, Güllü Ağalarzadə, Yelizaveta Luzan və Kamilla Əliyevadan ibarət komanda bu gün daha iki finalda çıxış edərək uğuru davam etdirə bilər.
Ümumi medal sıralamasında Azərbaycan Yaponiya, Ukrayna, Macarıstan, Danimarka və bir sıra digər ölkələri geridə qoyur.
Hazırda siyahıya ABŞ liderlik edir (5 qızıl, 3 gümüş, 8 bürünc), ikinci yerdə Cənubi Koreya (3-4-2), üçüncü pillədə isə Çin qərarlaşıb (2-4-2).
Zəki Feyzullayev
İdman.biz
