Idman.biz
Almaniyada keçirilən Universiadada yarışlar zamanı ağır zədə alan italiyalı gimnast Lorenzo Boniçellinin vəziyyəti ilə bağlı yeni təfərrüatlar açıqlanıb.
İdman.biz İtaliya Gimnastika Federasiyasının saytına istinadən xəbər verir ki, Boniçellinin vəziyyəti stabildir, həyatı təhlükədə deyil.
O, süni komadan çıxarılıb və sağalma əlamətləri var. Hazırda gimnast reanimasiyadadır.
Qeyd edək ki, 23 yaşlı idmançı Universiadada idman gimnastikası üzrə kişi komandaların çoxnövçülük yarışı zamanı boynu üstə yıxılaraq xəsarət almışdı. Əməliyyat olunan gimnast süni komaya salınmışdı.
İdman.biz
