Sport24.az
Bu gün Gürcüstanın paytaxtı Tbilisidə qılıncoynatma üzrə dünya çempionatı start götürür. Sport24.az xəbər verir ki, ilin əsas turnirində Azərbaycan komandası proqramın bir neçə növündə təmsil olunacaq.
Qadınların sablya növündə Sabina Kərimova, Leyla Əhmədova və Polina Kaspiaroviç çıxış edəcək. Onlar həm fərdi, həm də komanda yarışlarında mübarizə aparacaqlar.
Kişilərin sablya növündə isə Murad Əkbərov, Abbas Hüseynov, Saleh Məmmədov və Maqsud Hüseynli fərdi və komanda yarışlarında iştirak edəcəklər.
Bundan əlavə, şpaqa növündə Ruslan Həsənov da mötəbər turnirə qatılacaq.
Qeyd edək ki, qadınlardan ibarət sablya yığmasının lideri Anna Başta zədə səbəbindən dünya çempionatını buraxır.
