Osimhenin düşünmədən rədd etdiyi astronomik təklif ortaya çıxdı

"Napoli"dən icarəyə götürülən "Qalatasaray"ın ulduz hücumçusu Viktor Osimhen çıxışı ilə Avropa nəhənglərinin diqqətini çəkib. 

Çoxlu təklif almasına baxmayaraq, mövsümü İstanbul klubunda başa vurmaq istədiyini davamlı söyləyən Osimhenin mövsüm ortası fasilədə Səudiyyə Ərəbistanının "Əl-Hilal" komandasından gələn 40 milyon avroluq maaş təklifini rədd etdiyi öyrənilib. 

Yay transfer dönəmində "Qalatasaray"ın "Napoli"dən icarəyə götürdüyü Viktor Osimhen baxımlı oyun nümayiş etdirir. İstanbul klubunun 75 milyon avro sərbəst qalma müqabilində heyətinə qatmaq istədiyi Osimhen mövsüm boyu bir çox böyük klubdan təklif alıb. Bütün bunlara baxmayaraq, mövsümü qırmızı-sarı komanda ilə başa vurmaq istədiyini hər fürsətdə dilə gətirən nigeriyalı hücumçu mövsüm ortası fasilədə astronomik təklifdən imtina edib. 

26 yaşındakı futbolçuya yaxın mənbələrdən əldə edilən məlumata görə; Viktor Osimhen qış transfer pəncərəsində Səudiyyə Ərəbistanının Pro Liqa təmsilçisi "Əl-Hilal"ın 40 milyon avroluq maaş təklifini rədd edib. Səudiyyə Ərəbistanı komandasının astronomik təklifini heç düşünmədən rədd edən Osimhenin reaksiyasının heyrətə səbəb olduğu bildirilib. 

Viktor Osimhen bu mövsüm "Qalatasaray"ın heyətində bütün yarışlarda 30 oyunda iştirak edib. Nigeriyalı hücumçu bu oyunlarda 26 qol vurub, 5 məhsuldar ötürmə edib. "Antalyaspor"la son oyunda İstanbul klubunun heyətində ilk het-trikini reallaşdıran Osimhen Superliqadakı qol sayını 20-yə çatdıraraq bombardir olub.