Idman.biz
Əksər insanlar astroloji proqnozların onların taleyinə sirayət etdikləri qənaətindədir. Tarixən ən məşhurlar belə mənsub olduqları bürcə görə günə necə başlayacağını tənzimləyiblər. Bütün sahələrdə olduğu kimi, bürclər idmançılar arasında da böyük maraq doğurur. Astroloqların təbirincə desək, bürclər bəzi ipuçları verir, nəticə çıxarmaq isə sizdən asılıdır.
İdman.biz-in təqdim etdiyi "İdman bürcü" müxtəlif idman növlərilə məşğul olan sağlam ruh sahiblərinin həftə ərzində necə hərəkət etmələrində bir növ mayak rolunu oynayacaq. Eyni zamanda, peşəkar idmançı olmasanız belə, "İdman bürcü"nü oxumaqla istirahətə və ya məşqə necə yanaşmağın istiqamətlərini görə biləcəksiniz.
Qoç
Qoçlar həftənin əvvəlində həddən çox qətiyyətli olacaqlar. Problemli işlərinizi həll etmək şansı qazanacaqsınız. Həftənin ortası münasibətlərdə səbrli olmalısınız. Bir sıra işləriniz plana uyğun getməsə də, tədricən yoluna düşəcək. Həftə sonuna qədər maliyyə və ya şəxsi layihə ilə bağlı xoş xəbərlər alacaqsınız. Futbol, cüdo, güləş, üzgüçülük və karate ilə məşğul olan idmançıların bəxti üzlərinə güləcək.
Buğa
Buğalar bu həftə iş rejimini dəyişməlidirlər. Bu həftə çoxdan tanıdığınız insanlarla gözlənilməz görüşlər mümkündür. İmtina etməyin, çünki bu, sizin üçün faydalı perspektivlər vəd edir. Maliyyə vəziyyəti sabitləşəcək, lakin həftə sonu böyük alışlar etməməlisiniz. Həndbol, voleybol, stolüstü tennis, hokkey və basketbol növlərində hədsiz uğurlar gözlənilir.
Əkizlər
Həftə Əkizlər üçün sakit keçməyəcək. Dəyişiklik arzusu pik həddə çatacaq. Yeni layihələrə başlamaq üçün əla vaxtdır. Lakin cümə gününə yaxın yorğunluq mümkündür - istirahətə laqeyd yanaşmayın, əks halda emosional tükənmə artıq həftə sonu özünü göstərəcək. Maliyyə durumunuzda irəliləyişlər mümkündür. Güləş, həndbol, voleybol, basketbol, futzal, və atıcılıq idman növlərində uğurlar vəd olunur.
Xərçəng
Xərçənglər daxili hisslərinə diqqət yetirməlidirlər. Bu həftəki hadisələr sizi hədəflərinizi yenidən nəzərdən keşirməyə vadar edə bilər. Bir mərhələni bağlamağa ehtiyac hiss edirsinizsə, bunu dərhal edin, qorxmayın. Cümə günü ailə məsələləri ön plana çıxacaq - yaxınlarınızın dəstəyinə xüsusilə ehtiyac duyacaqsınız. Qılıncoynatma, güləş, avarçəkmə, atıcılıq, qaçış və velosiped idmanında nailiyyətlər qaçılmazdır.
Şir
Həftə ərzində Şirlər diqqət mərkəzində olacaq. Komandada vacib qərarlara təsir edə biləcəksiniz, özünüzə inanın. Mövqelərinizi möhkəmləndirmək istəyirsinizsə, danışıqlar üçün əlverişli zamandır. Şəxsi həyatınızda gözlənilməz etiraflar mümkündür. Bazar gününə qədər yorğunluq mümkündür – tənhalığa çəkilin. Üzgüçülük, karate, güləş, boks və şahmat idman növlərində bol-bol uğurlar vəd edilir.
Qız
Qızları sakit, lakin məşğul həftə gözləyir. Başlanğıc praktiki məsələlər üçün əlverişli olacaq. Maliyyə məsələlərində nizam-intizama, planlaşdırmaya xüsusi diqqət yetirin. Cümə axşamına yaxın, uzun müddət əlaqə qurmaqda çətinlik çəkdiyiniz insanla münasibətə aydınlıq gətirmək imkanı olacaq. Bazar günü yaradıcı hobbilər üçün münasibdir. Cüdo, stolüstü tennis, gimnastika, karate və güləşlə məşğul olanları şəxsi həyatları ilə bağlı xoş müjdələr gözləyir.
Tərəzi
Tərəzilər həmkarları ilə ünsiyyət zamanı emosional davranışlara xüsusilə fikir verməlidirlər. Həftənin ortasında anlaşılmazlıqlar mümkündür, lakin səmimiyyət və açıqlıq onları tez bir zamanda aradan qaldırmağa kömək edəcək. Cümə günü şəxsi həyatda müsbət dəyişikliklər baş verəcək. Bu, özünü romantik dəvət və ya səmimi söhbətlə də büruzə verə bilər. Avarçəkmə, sambo, gimnastika və güləş növləri ilə məşğul olanların xoş müjdələr alacağı qaçılmazdır.
Əqrəb
Həftə ərzində Əqrəblər prioritetləri yenidən nəzərdən keçirmək zərurəti ilə üzləşə bilərlər. Əvvəllər sizin üçün vacib görünən bir şey aktuallığını itirə bilər. Addım atarkən özünüzə inanın, əsla qorxmayın. Həftənin sonuna qədər intuisiyanız əmlak və ya investisiyalarla bağlı məsələlərdə düzgün qərar verməyə kömək edəcək. Karate, basketbol, güləş, futzal və minifutbol idman növlərində uğurlar qazanmaq şansı böyükdür.
Oxatan
Oxatanlar bu həftə çox nikbin olacaqlar. Səyahət etmək, yeni şeylər öyrənmək, əhatənizi genişləndirmək üçün əla vaxtdır. İşdə hadisələrin maraqlı dönüşü mümkündür - təşəbbüsünüzə güvənin. Bununla belə, yaxınlarınıza diqqət etməyi unutmayın. Çalışın onların hər hansı bir ehtiyacını qarşılaya biləsiniz. Üzgüçülük, atçılıq, voleybol, otüstü hokkey və qaçış növlərində uğurlar gözləniləndir.
Oğlaq
Oğlaqlar məhsuldar həftə keçirəcəklər. Təhsil və ya inzibati fəaliyyətlə bağlı işlər xüsusilə uğurlu olacaq. Çərşənbə və cümə axşamı danışıqlar və sənədlərlə bağlı qərarlar üçün münasibdir. Şəxsi işlərdə tərəfdaşınızın müdaxiləsinə məhəl qoymayın. Çalışın dürüst olasınız, verdiyiniz vədlərə xilaf çıxmayasınız. Güləş, atletika, avarçəkmə, atıcılıq, çövkən və cüdo növləri ilə məşğul olanlar üçün şanslı həftədir.
Dolça
Dolçalar həftəərzində sağlamlıqlarına diqqət yetirməlidirlər - hətta yüngül yorğunluq belə stressə çevrilə bilər. Həftənin əvvəli narahatlıq olsa da, cümə gününə qədər daxili sabitlik hiss edəcəksiniz. Sizin üçün vacib olan insanla münasibətləri aydınlaşdırmağa kömək edəcək söhbətlər mümkündür. Danışıqlar istədiyiniz nəticəni verəcək. Boks, futbol, cüdo, stolüstü tennis və şahmatla məşğul olanlar üçün uğurlar qaçılmazdır.
Balıq
Bu həftə Balıqlar özlərinə seçim imkanı verməlidirlər – daxili hissinizə qapınaraq qərarlar qəbul etməyin. Bu həftə sizə özünüzün də bilmədən düşdüyünüz pis dairədən çıxmaq şansı verəcək. Biznesdə sahəsində yeni təkliflər alacaqsınız. Həftə sonu diqqətli olun, intuisiyanız sizi doğru yola yönəldəcək. Cüdo, sambo, tennis, basketbol həndbol və voleybolçular üçün yaxşı başlanğıc olacaq.
İdman.biz
