Sport24.az
Yeniyetmə taekvondoçulardan ibarət Azərbaycan millisi "Belgian open" beynəlxalq turnirində iştirak edib. Sport24.az xəbər verir ki, yeniyetmə taekvondoçularımız Belçikanın Lommel şəhərində təşkil olunan yarışda 11 medal qazanıblar.
İdmançılarımız 6 qızıl, 1 gümüş və 4 bürünc medal əldə ediblər. Mədinə Aslanlı (29 kq), Eda Eren (55 kq),Tapdıq Quluzadə (33 kq), Ədiş Cəlilov (49 kq), Elmir Səlimov (53 kq) və Rəsul Cavadzadə (61 kq) bütün rəqiblərinə qalib gələrək fəxri kürsünün ən yüksək pilləsinə qalxıblar.
Yalnız finalda uduzan Yusif Nağızadə (57 kq) gümüş medal qazanıb. Fidan Muxtarzadə (29 kq), Aysu Aslanlı (41 kq), Əbil Mehrəli (45 kq) və Fuad Həsənov (+65 ) bürünc medallara sahib çıxıblar.
