Report.az
Bakı Su İdmanı Sarayında Türk Dövlətləri Təşkilatına üzv və müşahidəçi ölkələrin idmançılarının iştirakı ilə "Üzgüçülük hamı üçün" layihəsinin final mərhələsinin qaliblərinin mükafatlandırılması mərasimi keçirilib.
"Report"un məlumatına görə, tədbirdə gənclər və idman naziri Fərid Qayıbov və digər rəsmi şəxslər iştirak ediblər.
Bugünkü yarışlarda 30–34, 35–39, 40–44, 45–49, 50–54, 55–59, 60 və yuxarı yaş qruplarından, Azərbaycan və Türkiyəni təmsil edən iştirakçılar mübarizə aparıblar.
Qaliblərə mükafatları Fərid Qayıbov və Azərbaycan Üzgüçülük Federasiyasının (AÜF) vitse-prezidenti Xaliq İldırımzadə təqdim ediblər.
Qeyd edək ki, sabah 9 yaşdan kiçiklər, 9–10, 11–12, 13–14, 15–16, 17–19, 20–24 və 25–29 yaş qruplarını təmsil edən üzgüçülər qüvvələrini sınayacaqlar.
Layihənin məqsədi üzgüçülüyün kütləviliyini artırmaq, sağlam həyat tərzini təşviq etmək və iştirakçı ölkələr arasında dostluq əlaqələrini möhkəmləndirməkdir.
Foto: Samirə Həsənova
