Idman.biz
Azərbaycan qrossmeysteri Şəhriyar Məmmədyarov bir neçə reytinq xalını itirməsinə baxmayaraq, dünya sıralamasındakı mövqeyini qoruyub.
İdman.Biz xəbər verir ki, Beynəlxalq Şahmat Federasiyası (FIDE) 2026-cı il sentyabrın 1-nə olan dünyanın aparıcı şahmatçılarının reytinqini açıqlayıb.
Azərbaycanın aparıcı qrossmeysteri Şəhriyar Məmmədyarov üç ELO xalı itirməsinə baxmayaraq, 2720 xalla 22-ci pillədə qalıb.
Dünya reytinqinin ilk 100-lüyündə yer alan digər azərbaycanlı şahmatçılar isə belə sıralanıb:
Teymur Rəcəbov (2689) – 38-ci yer,
Aydın Süleymanlı (2664) – 49-cu yer,
Maqomed Muradlı (2653) – 63-cü yer,
Rauf Məmmədov (2631) – 91-ci yer.
Sentyabrın 1-nə olan dünya reytinqinin ilk onluğu belədir:
Maqnus Karlsen (Norveç) – 2823
Hikaru Nakamura (ABŞ) – 2792
Fabiano Karuana (ABŞ) – 2789
Cəvohir Sindarov (Özbəkistan) – 2778
Uesli So (ABŞ) – 2774
Vinsent Keymer (Almaniya) – 2764
Nodirbek Abdusattorov (Özbəkistan) – 2762
Rameşbabu Praqnanandhaa (Hindistan) – 2761
Arcun Eriqaisi (Hindistan) – 2759
Aniç Giri (Niderland) – 2757.
Qadın şahmatçıların dünya reytinqində isə Azərbaycanın aparıcı təmsilçisi Ülviyyə Fətəliyeva hesabat dövründə 38 xal itirib. O, 2402 xalla 25-ci pillədən 43-cü yerə düşüb. Fətəliyeva ötən ay 11 partiya keçirib və bu görüşlər onun üçün olduqca uğursuz nəticələnib. Bu da reytinqdə ciddi geriləməsinə səbəb olub.
İlk 100-lükdə yer alan digər azərbaycanlı qadın şahmatçılar:
Güvhar Bəydullayeva (2392) – 53-cü yer,
Xanım Balacayeva (2356) – 82-ci yer,
Günay Məmmədzadə (2351) – 90-cı yer.
Ölkələrin şahmat reytinqində isə Azərbaycanın mövqeyi bir pillə geriləyib. Ölkənin ən güclü 10 şahmatçısının orta reytinq göstəricisinin nəzərə alındığı siyahıda Azərbaycan 2627 xalla 7-ci yerdə qərarlaşıb. Özbəkistan 2628 xalla Azərbaycanı 6-cı pillədən sıxışdırıb.
Ən güclü şahmat ölkələrinin ilk onluğu belədir:
ABŞ – 2725
Hindistan – 2705
Çin – 2664
Rusiya – 2641
Gürcüstan – 2629
Özbəkistan – 2628
Azərbaycan – 2627
Fransa – 2627
Ukrayna – 2624
Niderland – 2610.
Qadın şahmatçılar arasında ölkələrin reytinqində Azərbaycan 2296 xalla 11-ci pillədəki mövqeyini qoruyub.
Qadın şahmatının ən güclü ölkələrinin ilk onluğu:
Çin – 2484
Hindistan – 2431
Ukrayna – 2392
ABŞ – 2370
Gürcüstan – 2368
Qazaxıstan – 2360
Polşa – 2344
Rusiya – 2340
Fransa – 2332
Almaniya – 2331.
Qeyd edək ki, növbəti FIDE reytinqi oktyabrın 1-də formalaşdırılacaq. Yeni sıralama sentyabrın 15-27-də Özbəkistanın Səmərqənd şəhərində keçiriləcək Ümumdünya Şahmat Olimpiadasının nəticələri əsasında müəyyənləşəcək.
