"Sabah"ın UEFA Çempionlar Liqasının əsas mərhələsində "Barselona" ilə keçirəcəyi V tur qarşılaşması İspaniyada da xüsusi tədbirlə müşayiət olunacaq.
Sportify.az “Mundo Deportivo”ya istinadən xəbər verir ki, "Barselona"nın bu mövsüm Çempionlar Liqasındakı oyunları Kataloniya paytaxtındakı "Time Out Market" adlı böyük qastronomiya məkanında canlı yayımlanacaq.
Azarkeşlər görüşləri nəhəng ekranlarda izləyə, futbol müzakirələrində iştirak edə və xüsusi qonaqlarla görüşə biləcəklər.
Layihənin ilk tədbiri noyabrın 25-də "Sabah" – "Barselona" matçı ilə keçiriləcək. Futbol azarkeşlərinə burger, suşi və İspaniya mətbəxinə aid müxtəlif qəlyanaltılar da təklif olunacaq.
Qeyd edək ki, görüş Bakı vaxtı ilə saat 21:45-də başlanacaq.