Fransa klubu PSJ-nin hücumçusu Dezire Duenin Orjeval şəhərində yerləşən evinin bağçasına bir neçə nəfər naməlum şəxs daxil olub.
Sportify.az xəbər verir ki, evdə kiminsə olduğunu aşkar etdikdən sonra ərazidən uzaqlaşıblar.
Duenin Nitsadan qayıtdığı vaxt hadisə yerində artıq jandarm əməkdaşları olub. Evdə hər hansı zorla daxilolma izinə rast gəlinməyib.
Qeyd edək ki, 21 yaşlı futbolçu "Nitsa" ilə oyunda 32-ci dəqiqədə qol vurub. O, fasiləyə az qalmış zədələnərək xərəkdə meydanı tərk edib.
PSJ bazar günü fransalı futbolçuda sağ dizin ön çarpaz bağının qopduğunu açıqlayıb. Duenin noyabrın sonunadək əməliyyat olunacağı bildirilib.