İtaliyanın "Milan" klubunun sahibi Cerri Kardinale komandanın İspaniya təmsilçisi "Real Madrid"in hücumçusu Endrikə marağı və yarımmüdafiəçi Adrien Rabyo ilə müqavilənin uzadılması barədə danışıb.
Sportify.az xəbər verir ki, Kardinale Endrikin transfer gündəmində müzakirə olunan futbolçulardan biri olduğunu bildirib.
"Endrik müzakirə olunan adlardan biridir. Layihəmiz yalnız bir futbolçunun üzərində qurulmayıb. O, öz mövqeyində dünyanın ən yaxşı oyunçularından biridir, hətta bəlkə də ən yaxşısıdır. Ona böyük hörmətim var. Transfer bazarında nələrin baş verəcəyini görəcəyik.
Rabyo ilə müqavilənin uzadılmasına gəlincə, mən Adrieni çox sevirəm. O, ən çox bəyəndiyim futbolçulardan biridir. Möhtəşəm oyunçudur. Ona və ailəsinə böyük hörmət bəsləyirəm. Hazırda danışıqlar aparırıq və ümid edirəm ki, yaxın vaxtlarda müsbət nəticə əldə olunacaq. Düşünürəm ki, Rabyo “Milan”ın simvollarından birinə çevrilməlidir" – deyə Kardinale “Milan News” nəşrinə danışıb.