İtaliya klubu "Latsio"nun baş məşqçisi Cennaro Qattuzo A Seriyasının 12-ci turunda "Leççe" üzərində qazanılan 3:0 hesablı qələbədən sonra komandasının hansı xüsusiyyətləri ilə fəxr etdiyini açıqlayıb.
Sportify.az xəbər verir ki, Qattuzo komandasının oyun fəlsəfəsini və futbolçuların meydandakı münasibətini yüksək qiymətləndirib.
"Futbolçularımızın mentaliteti və məqsədyönlülüyü ilə fəxr edirəm. Oyuna yaxşı başlamadıq, lakin sonradan komanda həm topla, həm də topsuz əla çıxış etdi. Futbolçularımızı dayandırmaq çətindir, onlar daim pressinq tətbiq edirlər. Bizim üçün belə yanaşma son dərəcə vacibdir.
Məsələ ondadır ki, çox yüksək tempdə oynayırıq. Məni futbolçuların oyuna münasibəti maraqlandırır. Bu komandanın necə mübarizə apardığı heyrətamizdir. Nəticədən razıyam. Həmişə daha artığını istəyirsən, amma belə yüksək tempdə texniki səhvlər qaçılmazdır.
Mərkəzdən hücum edə bilmirdik, buna görə daha çox cinahlardan oynamağa məcbur olduq. Oyunu daha yaxşı anlamaq baxımından inkişaf edə bilərik" – deyə Qattuzo DAZN-a bildirib.