Idman.biz
Kamandan oxatma üzrə Azərbaycan ölkə birinciliyinə start veriləcək.
İdman.Biz xəbər verir ki, Azərbaycan Kamandan Oxatma Federasiyasının təşkilatçılığı, Gənclər və İdman Nazirliyinin dəstəyi ilə keçiriləcək yarış 31 may - 2 iyun tarixlərini əhatə edəcək.
Ölkə birinciliyi Hövsan Olimpiya İdman Kompleksində təşkil olunacaq. Yarışda U-15, U-18 və U-21 yaş kateqoriyaları üzrə 49 idmançı mübarizə aparacaq.
Proqrama əsasən, 31 mayda idmançıların sınaq atışları və məşqləri keçiriləcək. 1 iyunda əsas yarış mərhələsi baş tutacaq. 2 iyunda isə final görüşləri ilə qaliblər müəyyənləşəcək.
İştirakçılar 40, 60 və 70 metr məsafələrdə hədəfi dəqiq nişan almaq üçün qüvvələrini sınayacaqlar.
Yarışı izləmək istəyənlər üçün giriş sərbəst olacaq.
