Idman.biz
Azərbaycanın daha bir güləşçisi Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarının final mərhələsinə yüksəlib.
İdman.Biz xəbər verir ki, Jalə Əliyeva (57 kq) qrupdakı ilk qarşılaşmada Çad Jeljeli (Tunis) üzərində "tuşla" qalib gəlib.
Daha sonra Elvira Kamaloğlu (Türkiyə) üzərində 19:10 hesabı ilə qələbə qazanan idmançı, Banqladeşdən olan rəqibini də "tuşla" məğlub edib.
J.Əliyeva yarımfinalda Sezim Jumanazarovanı (Qırğızıstan) 4:2 hesabı ilə məğlub edərək finala vəsiqə qazanıb.
13:25
Azərbaycanın yunan-Roma güləşçisi Murad Əhmədiyev (97 kq) Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarının final mərhələsinə yüksəlib.
İdman.Biz xəbər verir ki, ilk görüşündə Məhəmməd Qabrı (Misir) 8:0 hesabı ilə məğlub edən pəhləvan yarımfinalda Beytullah Kayısdağdan (Türkiyə) üstün olub - 5:1.
Qeyd edək ki, İslamiada noyabrın 21-də başa çatacaq.
