Idman.biz
Azərbaycanın yunan-Roma güləşçisi Murad Əhmədiyev (97 kq) Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarının gümüş medalını qazanıb.
İdman.Biz-in məlumatına görə, güləşçimiz finalda İran təmsilçisi Mohammadhadi Saraviyə 1:5 hesabı ilə uduzaraq fəxri kürsünün ikinci pilləsinə qalxıb.
Azərbaycanın qadın güləşçisi Elnurə Məmmədova (50 kq) isə İslamiadanın bürünc medalını qazanıb.
İdmançımız üçüncü yer uğrunda görüşdə Əlcəzair təmsilçisi Çeyma Şebilanı 5:0 hesabı ilə məğlub edib.
13:55
Azərbaycanın daha bir güləşçisi Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarının final mərhələsinə yüksəlib.
İdman.Biz xəbər verir ki, Jalə Əliyeva (57 kq) qrupdakı ilk görüşdə Çad Jeljeli (Tunis) üzərində 9:2 hesabı ilə qələbə qazanıb.
Daha sonra Elvira Kamaloğlu (Türkiyə) üzərində 19:10 hesabı ilə qələbə qazanan idmançı, Banqladeşdən olan rəqibini də 8:0 hesabı ilə məğlub edib.
J.Əliyeva yarımfinalda Sezim Jumanazarovanı (Qırğızıstan) 4:2 hesabı ilə məğlub edərək finala vəsiqə qazanıb.
13:25
Azərbaycanın yunan-Roma güləşçisi Murad Əhmədiyev (97 kq) Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarının final mərhələsinə yüksəlib.
İdman.Biz xəbər verir ki, ilk görüşündə Məhəmməd Qabrı (Misir) 8:0 hesabı ilə məğlub edən pəhləvan yarımfinalda Beytullah Kayısdağdan (Türkiyə) üstün olub - 5:1.
Qeyd edək ki, İslamiada noyabrın 21-də başa çatacaq.
