Sport24.az
"Konstitusiya və Suverenlik İli" çərçivəsində Bakı Atletika Mərkəzində dövlət qurumlarının əməkdaşları arasında atletika yarışı keçirilib. Sport24.az xəbər verir ki, Gənclər və İdman Nazirliyi, Azərbaycan Atletika Federasiyasının birgə təşkilatçılığı ilə baş tutan yarışda 11 dövlət qurumunu təmsil edən 42 nəfər (32 kişi, 10 qadın) iştirak edib.
Qadınlar arasında uzunluğa tullanma üzrə Zəkiyyə Kərimli və Əfsanə Mehdiyeva (hər ikisi Fövqəladə Hallar Nazirliyi), eləcə də Esmira Nəsrəddinova (SOCAR) mükafatçılar sırasına düşüblər. Kişilər arasında isə birinci yerə Yevgeniy Kasilov (FHN) sahib çıxıb. Vüsal Rəsulzadə ("AzerGold" QSC) ikinci, Rüstəm Rüstəmov (SOCAR) isə üçüncü olublar.
60 metr məsafəyə qaçışda qadınların yarışında birinci yerə Zəkiyyə Kərimli, ikinci yerə Mələkxanım Məmmədova, üçüncü yerə isə Leyla Əliyeva (hər üçü FHN) layiq görülüblər. Kişilər arasında İlkin Əlizadə, Yevgeniy Kasilov (hər ikisi FHN) və Akif Əzizov ("AzerGold" QSC) fərqləniblər.
400 metr məsafəyə qaçışda qadınlar arasında Mələkxanım Məmmədova birinci, Leyla Əliyeva ikinci, Pəri Rəhimova (hər üçü FHN) isə üçüncü olublar. 800 metr qaçışda kişilər arasında bütün pillələr FHN əməkdaşlarının payına düşüb: Əli Hacıyev qızıl, Cəlal Süleymanov gümüş, İlqar Məmmədov isə bürünc medal qazanıblar.
