Report.az
Azərbaycan təmsilçiləri Bakıda keçirilmiş bədii gimnastika üzrə "AGF Trophy" beynəlxalq turnirini altı medalla başa vurublar.
"Report"un məlumatına görə, onlardan biri qızıl, üçü gümüş, ikisi bürünc əyarlıdır.
Gövhər İbrahimova lent proqramında bürünc mükafata sahib çıxıb. O həmçinin halqa ilə hərəkətlərdə də üçüncü yeri tutub.
Fidan Qurbanlı top proqramında gümüş medal qazanıb.
Digər idmançı Azadə Atakişiyeva lentlə hərəkətlərdə qızıl medal qazanıb. O həmçinin topla hərəkətlərin icrasında ikinci olub.
Azərbaycan gimnastları ötən gün komanda hesabında gümüş medala yiyələniblər.
