Sport24.az
Hazırda icarə əsasında "Barselona"nın formasını geyinəndan Markus Reşford bu yay "Mançester Yunayted"ə qayıda bilər. Sport24.az xəbər verir ki, bu barədə ESPN məlumat yayıb.
Mənbənin sözlərinə görə, "Mançester Yunayted" oyunçu üçün tələb olunan qiyməti endirmək niyyətində deyil. İngiltərə klubu Reşfordun La Liqadakı uğurlu çıxışını nəzərə alıb, futbolçunun satışından istədiyi məbləği qazanacağını düşünür. "Qırmızı şeytanlar" alıcılarla razılığa gələ bilməsə, Reşford karyerasını Mançesterdə davam etdirəcək. Futbolçu "Barselona"da qalmaq istəyir, ancaq Mançesterə qayıtmağa da hazırdır.
Qeyd edək ki, İngiltərə millisinin üzvü 2025-ci ilin iyulundan "Barselona"da icarədədir. Kataloniya klubu ingilis oyunçunun hüquqlarını almaq istəyir, lakin tələb olunan məbləğin - təxminən 30 milyon avro - aşağı salınmasını tələb edir. 28 yaşlı hücumçu bu mövsüm İspaniya liqasında 24 oyunda meydana çıxıb, 4 qol vurub və 7 məhsuldar ötürmə edib.
