Sport24.az
AFFA İntizam Komitəsinin iclası keçirilib. Sport24.az xəbər verir ki, iclasda 2-ci liqanın 19-cu turu ilə bağlı aşağıdakı qərarlar qəbul edilib:
"Araz Saatlı" – "Quba" oyunu "Araz Saatlı" komandasının formasında problem olması səbəbindən gec başladığına görə "Araz Saatlı" komandası 150 manat cərimə edilib.
"Araz Saatlı" – "Quba" oyununda "Quba" komandasının 4 futbolçusu sarı vərəqə aldığı üçün "Quba" komandası 70 manat cərimə edilib.
"Araz Saatlı" – "Quba" oyununun 85-ci dəqiqəsində "Quba" komandasının 9 nömrəli futbolçusu Vidadi Cəfərov təcavüzkar davranışa görə birbaşa qırmızı vərəqə aldığı üçün 3 oyun cəzalanıb, "Quba" komandası 300 manat cərimə edilib.
"Şirvan" – "Sheki City" oyununda "Şirvan" komandasının azarkeşləri tərəfindən pirotexniki vasitədən istifadə edildiyinə görə "Şirvan" komandası 300 manat cərimə edilib.
"Şirvan" – "Sheki City" oyununda "Sheki City" komandasının 4 futbolçusu sarı vərəqə aldığı üçün "Sheki City" komandası 70 manat cərimə edilib.
"Kür-Araz" – "Qaradağ Lökbatan" oyununda "Kür-Araz" komandasının 5 futbolçusu sarı vərəqə aldığı üçün "Kür-Araz" komandası 70 manat cərimə edilib.
"Kür-Araz" – "Qaradağ Lökbatan" oyununun 77-ci dəqiqəsində "Kür-Araz" komandasının 9 nömrəli futbolçusu Elxan Məmmədov hakimi təhqir etdiyinə görə birbaşa qırmızı vərəqə aldığı üçün 4 oyun cəzalanıb, "Kür-Araz" komandası 1000 manat cərimə edilib.
"Ağdaş" – "Şəmkir" oyununun 73-cü dəqiqəsində "Şəmkir" komandasının 7 nömrəli futbolçusu İbrahim Camalov ikinci sarıdan qırmızı vərəqə aldığı üçün 1 oyun cəzalanıb, "Şəmkir" komandası 50 manat cərimə edilib.
