Sport24.az
Beynəlxalq Atletika Federasiyaları Assosiasiyası (World Athletics) Rusiya və Belarus idmançılarına qarşı sanksiyaları qüvvədə saxlayıb. Sport24.az xəbər verir ki, bu barədə təşkilatın rəhbəri Sebastyan Koy bildirib:
"Ümumdünya Atletika Şurası Rusiya və Belarus idmançıları ilə bağlı tövsiyəni qəbul edib. Şura mövcud sanksiyaları məqsədəuyğun hesab edir. Mövcud vəziyyət dəyişməyənə və ya sülh razılaşması əldə olunmayana qədər qərar qüvvədə qalacaq".
Qeyd edək ki, Rusiya yüngül atletləri 2022-ci ilin martından beynəlxalq yarışlarda iştirakdan kənarlaşdırılıb.
