Idman.biz
Almaniyanın Hamburq şəhərində triatlon üzrə Avropa çempionatı keçirilib.
İdman.biz xəbər verir ki, yarışda "Triterra" klubumuzun idmançıları finişə uğurla çatıblar.
Teymur Fərəcov "dəmir məsafəni" qət etmək üçün triatlonçularımız arasında yeni rekorda imza atıb.
Məşqçisi Aleksandr Mordasov olan Fərəcova yarışı başa vurmaq üçün 9 saat 27 dəqiqə 22 saniyə lazım olub. O, 3,8 km üzgüçülük, 180 km şosse velosipedi və 42,2 km klassik marafon qət edib. Bu, "Ironman" turnirlərində mübarizə aparan triatlonçularımız üçün yeni nailiyyətdir.
Avropa çempionatına qatılan digər idmançımız Samir Cavadov isə 11 saat 29 dəqiqə 59 saniyə nəticə göstərib.
İdman.biz
