Maradonanın oğlu atasının qətlindən DANIŞDI

Argentinada əfsanəvi futbolçu Dieqo Maradonanın ölümü ilə bağlı məhkəmə prosesi ikinci həftədir ki, davam edir.

Lent.az xarici KİV-ə istinadla bildirir ki, mərhum futbolçunun oğullarından biri atasının ölümündə həkimləri ittiham edib.

Maradonanın qohumları onun təbii ölümü fikri ilə razılaşmayıblar, futbolçunun qəsdən öldürülməsinə əmindirlər.

"Onu öldürüblər, o qədər şahid var. Ona düzgün qulluq edilməyib, onu xilas etmək üçün heç nə etməyiblər. Həkimlərin qulluq etmədiyini qəbul edə bilmərəm. Əminəm ki, səhlənkarlığı sübut edəcəyik. İllərdir məhkəmə çəkişmələrindən, pul oğurluğundan sonra atam yalnız vəfat edəndən sonra onlara xeyir verib. Niyə? Bilmirəm", deyə Maradonanın oğlu bildirib.

Artıq yeddi tibb işçisi xəstəyə etinasızlıq göstərməkdə ittiham olunaraq məhkəmə qarşısına çıxarılır. Günahları sübuta yetirilərsə, onları 8 ildən 25 ilə qədər həbs gözləyir.

"Sadəcə bu insanları günahlandırmaqdan başqa çarəm yoxdur. Əgər ona düzgün münasibət göstərilsəydi, indi burada otura bilərdi" – Maradonanı oğlu açıqlamasında vurğulayıb.

Maradonanın ölümü ilə bağlı məhkəmə prosesinin 2026-cı ilin yayına qədər davam edəcəyi gözlənilir.Məhkəməyə yüzə yaxın şahid dəvət olunacaq.

Qeyd edək ki, Dieqo Armando Maradona 25 noyabr 2020-ci ildə 60 yaşında dünyasını dəyişib. Dünya çempionunun ölümünün rəsmi səbəbi ürək tutması kimi göstərilib.