Idman.biz
Voleybol üzrə Azərbaycan Yüksək Liqasında növbəti oyunlar baş tutub.
İdman.Biz-in məlumatına görə, kişilərin yarışında səkkizinci turdan təxirə salınmış matç keçirilib.
Fövqəladə Hallar Nazirliyinin idman zalında reallaşan görüşdə "Azerreyl" "Xilasedici"ni 3:0 (29:27, 25:22, 25:22) hesabı ilə üstələyib.
Qadınların mübarizəsində isə doqquzuncu turun iki görüşü olub. "Turan" "Murov Az Terminal"ı 3:0 (25:18, 25:14, 25:19), "DH Volley" kollektivi isə "Milli Aviasiya Akademiyası"nı 3:0 (25:23, 25:17, 25:21) hesabı ilə məğlub edib.
İlk qarşılaşma "Murov Az Terminal"ın, ikinci matç isə "Milli Aviasiya Akademiyası"ının idman zalında baş tutub.
10:12
Bu gün voleybol üzrə Azərbaycan Yüksək Liqasında növbəti oyunlar keçiriləcək.
İdman.Biz xəbər verir ki, kişilərin yarışında səkkizinci turdan təxirə salınmış matç baş tutacaq.
"Azerreyl" "Xilasedici" ilə qarşılaşacaq. Görüş Fövqəladə Hallar Nazirliyinin idman zalında, saat 17:00-da start götürəcək.
Qadınların mübarizəsində isə doqquzuncu turun iki matçı təşkil olunacaq. "Murov Az Terminal" "Turan"la, "Milli Aviasiya Akademiyası" "DH Volley"lə qarşılaşacaq.
Hər iki matç saat 17:00-da başlayacaq. İlk oyun "Murov Az Terminal"ın, ikinci matç isə "Milli Aviasiya Akademiyası"ının idman zalında gerçəkləşəcək.
