Idman.biz
Azərbaycan üzgüçüsü Oqtay Hüseynov III MDB Oyunlarında qızıl medal qazanaraq ölkəsini fəxrlə təmsil edib.
İdman.biz "Report"a istinadən xəbər verir ki, Oqtay Hüseynov jurnalistlərə açıqlamasında bu uğurdan məmnunluğunu ifadə edib.
"İlk dəfədir ki, Azərbaycan üzgüçüsü MDB Oyunlarında qızıl medal qazanır. Bunu bacardığım üçün çox sevincliyəm. Xoşbəxtəm ki, Azərbaycanın bayrağını ən yüksəyə qaldırdım. Yarışdan öncə bir qədər tələskənliyim var idi, amma üzməyə başlayarkən bunu aradan qaldıra bildim", – deyə idmançı bildirib.
Qeyd edək ki, Oqtay Hüseynov 400 metr məsafəyə qarışıq üzmə yarışında bütün rəqiblərini qabaqlayaraq qələbə qazanıb.
