Idman.biz
53 yaşlı xizəklə trampindən tullanma üzrə üçqat Olimpiya mükafatçısı yaponiyalı Noriaki Kasai öz yaşında peşəkar səviyyədə yarışları necə davam etdirə biləcəyini izah edib.
İdman.biz bildirir ki, Kasai dünya çempionatının ikiqat gümüş və beşqat bürünc mükafatçısıdır.
"Nahar eləmirəm. Əvvəlcə arıqlamaq üçün bunu edirdim, indi isə bu, daha yaxşı yatmağıma kömək edir. Səhər enerjimi düyü və çörəkdən alıram, günorta isə yalnız salat yeyirəm. Daha çox arıqlamalı olduğum mövsümdə səhər yemirəm və yalnız tünd kofe içirəm. Bəzən axşamlar aclıq hiss edirəm, amma uğur qazanmaq istəyi iştahımdan daha güclü olur.
Həmişə özümlə yataq dəstlərimi də götürürəm. Xaricdə döşəklər və yastıqlar çox yumşaqdır. Döşəyim qatlanır, ona görə də tez-tez maşınla səyahət etdiyim üçün onu asanlıqla Avropaya daşıya bilərəm. O, mənim üçün əvəzolunmaz yoldaşdır", - Kasai deyib.
Kasai 1994-cü ildə Lillehammer Olimpiadasında gümüş, 2014-cü ildə Soçi Oyunlarında gümüş və bürünc qazanıb. O indi də peşəkar şəkildə yarışmağa davam edir.
