Idman.biz
III MDB Oyunlarının kamandan oxatma üzrə yarışlarında finala yüksələn komandalar müəyyənləşib.
İdman.biz Report-a istinadən bildirir ki, qızların yarışında Sümeyyə Bədəlli, Nilufər Ağaməmmədli və Fatimə Hüseynlidən ibarət komanda 1/4 finalda Tacikistanı 5:3 hesabı ilə məğlub edib.
Yarımfinalda isə komandamız Rusiyaya 2:6 hesabı ilə uduzub.
Azərbaycan komandası bürünc medal uğrunda Belarusla üz-üzə gələcək.
Qarışıq komandalar arasında isə final mərhələsində Rusiya, Özbəkistan, Qazaxıstan və Belarus mübarizə aparacaqlar.
Azərbaycanın ev sahibliyi etdiyi III MDB Oyunları çərçivəsində Xankəndi şəhər stadionunda keçirilən kamandan oxatma idman növü üzrə yarışların həlledici mərhələsi sabah baş tutacaq.
10:40
Azərbaycanın ev sahibliyi etdiyi III MDB Oyunlarında kamandan oxatma yarışları davam edir.
İdman.biz xəbər verir ki, Xankəndi şəhər stadionunda bu gün qadınlar və kişilərdən ibarət komanda, həmçinin qarışıq komanda (1 qız və 1 oğlan) yarışları keçiriləcək.
1/4 mərhələdə Azərbaycanın kişilərdən ibarət komandası Özbəkistan komandası, qızlardan ibarət komandamız isə Tacikistan komandası ilə yarışacaq. Qarışıq komandamız Qazaxıstan idmançıları ilə mübarizə aparacaq.
Bu gün hər iki yarışların yarımfinal mərhələsi də keçiriləcək.
