Report.az
III MDB Oyunları çərçivəsində bu gün 4 idman növü üzrə yarışlar keçiriləcək.
"Report"un yarışa ezam olunan əməkdaşının məlumatına görə, Şəkidə çövkən üzrə qızıl medal uğrunda matçda Azərbaycan və Özbəkistan milliləri üz-üzə gələcək.
Şəkidə eyni zamanda bədii gimnastika yarışları davam edəcək.
Gəncə İdman Sarayında isə qılıncoynatma yarışlarının qalibləri müəyyənləşəcək.
Gəncə Olimpiya İdman Kompleksində yunan-Roma güləşi üzrə yarışların mükafatçılarına aydınlıq gələcək.
Qeyd edək ki, III MDB Oyunlarına oktyabrın 8-də yekun vurulacaq.
