Idman.biz
28 sentyabrdan etibarən rəsmi olaraq start götürən III MDB Oyunlarının fan zonası Gəncədə böyük marağa səbəb olub.
İdman.biz xəbər verir ki, şəhərin mərkəzində, Gəncə Şəhər İcra Hakimiyyətinin binasının qarşısında qurulan bu məkan həm yerli sakinlər, həm də şəhərin qonaqları üçün əyləncə və istirahət nöqtəsinə çevrilib.
Fan zona hər gün saat 11:00-dan 22:00-dək açıqdır və ziyarətçilər üçün zəngin və maraqlı proqram təqdim edir. Proqrama interaktiv idman oyunları, DJ performansları, PlayStation zonası və müxtəlif əyləncə fəaliyyətləri daxildir. Ərazidə həmçinin yemək və istirahət zonaları mövcuddur.
Fan zonaya göstərilən yüksək maraq və çoxlu sayda insanın bu məkana üz tutması şəhər həyatında böyük canlanma yaradır.
Müğənni Mərdanın da iştirakı tədbirə xüsusi rəng qatır. Onun 4, 6 və 8 oktyabr tarixlərində baş tutacaq konsert çıxışları fan zonada olacaq ziyarətçilərə unudulmaz musiqi anları bəxş edecək.
III MDB Oyunlarının fan zonası təkcə idman yarışlarını deyil, eyni zamanda musiqi, əyləncə və ictimai birlik atmosferini bir araya gətirən önəmli platformaya çevrilib.
