Idman.biz
"Yarış əla səviyyədə təşkil olunmuşdu. Güclü rəqiblərlə üz-üzə idik. Bütün qarşılaşmalarda əlimizdən gələni etdik, finala kimi gəldik. Təəssüf ki, finalda məğlub olduq".
İdman.biz bildirir ki, bunu AZƏRTAC-a qılıncoynatmanın sablya növü üzrə Azərbaycanın yığmasının üzvü Fərəh Abbasova deyib.
İdmançı belə bir yarışda iştirakın özü və komanda yoldaşları üçün yaxşı təcrübə olduğunu bildirib: "Üzərimizdə çalışaraq, daha böyük təcrübə qazanmalıyıq. Səhvlərimizdən nəticə çıxarmalıyıq. İnanırıq ki, gələn yarışlarda qızıl medal qazanacağıq".
Qeyd edək ki, qılıncoynatmanın sablya növü üzrə qızlardan ibarət Azərbaycan millisi III MDB Oyunlarında ikinci yeri tutub.
