Report.az
Azərbaycanın III MDB Oyunlarında gümüş medal qazanan atıcısı Cavid Həsənov növbəti yarışlarda qızıl medal sahibi olacağına ümid edir.
"Report" un Qəbələyə ezam olunmuş əməkdaşının məlumatına görə, bunu idmançı açıqlamasında bildirib.
O, mübarizə aparmağın xoş olduğunu deyib:
"Mübarizə aparmaq xoş oldu. Finala yüksəldim. Qızıl medala yaxın idim. İnşallah növbəti yarışda qızıl medal qazanaram".
İdmançı təşkilatçılığı yüksək qiymətləndirib:
"Hər şey yüksək səviyyədədir. Azarkeşlər dəstəklərini əsirgəmirlər. Bu mənə motivasiya verir. Yarışda əməyi keçən hər kəsə təşəkkürümü bildirirəm. Rəqiblər də layiqincə mübarizə apardılar, zəif deyildilər. Ona görə də, maraqlı oldu"
Qeyd edək ki, Cavid Həsənov III MDB oyunlarında stend atıcılığı üzrə yarışları ("skeet" növü) gümüş medalla bitirib.
III MDB Oyunları Cavid Həsənov atıcılıq
