Idman.biz
Beynəlxalq Olimpiya Komitəsi (BOK) Milli Olimpiya Komitəsinin Beynəlxalq Proqramlar İdarəsinin müdiri Mehman Kərimovun vəfatı ilə bağlı dərin hüznlə başsağlığı məktubu göndərib.
İdman.Biz xəbər verir ki, məktubda BOK-un Milli Olimpiya Komitələri ilə Əlaqələr, Olimpiya Həmrəyliyi və "Olympism365" proqramının direktoru Ceyms Makleod qeyd edib:
"Mehman Kərimov ömrünü idman və təhsilə həsr etmiş, Olimpiya dəyərlərinin inkişafına böyük töhfə vermiş ilhamverici lider idi. Onun fəaliyyəti nəticəsində çoxsaylı gənclər öyrənmək, əlaqələr qurmaq və inkişaf etmək imkanları əldə etdilər.
OCEP proqramındakı rəhbərliyi və beynəlxalq əməkdaşlığın gücləndirilməsinə yönəlmiş səyləri ilə Mehman Kərimov idman dünyasında silinməz iz qoydu. Onun enerjisi, səxavəti və insanlara olan dəyəri hər zaman xatırlanacaq".
BOK nümayəndəsi sonda Mehman Kərimovun ailəsinə, yaxınlarına və Azərbaycan Olimpiya Hərəkatına dərin hüznlə başsağlığı verib.
