Report.az
Belarusun idman nazirin müavini Aleksandr Baraula Gəncədə nostaljik hisslər yaşayıb.
"Report" Gəncəyə ezam olunan əməkdaşı xəbər verir ki, bunu Aleksandr Baraula özü jurnalistlərə açıqlamasında deyib.
O, Azərbaycanda təşkil olunan III MDB Oyunları barədə danışıb:
"Gəncəyə gələndə nostlaji hisslər keçirdim. Çünki 2 il əvvəl Belarus MDB Oyunlarına ev sahibıiyi edəndə 11 şəhərdə keçirilmişdi və mənə ölkəmi xatırlatdı. Yarışın Azərbaycanın 7 şəhərində baş tutması sevindirici haldır. Digər şəhərlərdə idman həyəcanını yaşatmaq çox yaxşı fikirdir. Azərbaycan çox qonaqpərvər ölkədir. Bizi burda böyük hörmətlə qarşıladılar. Yarışlar yüksək səviyyədə təşkil olunub".
O, Belarus idmançılarının Azərbaycana yaxşı nəticələr qaznamaq üçün gəldiyini söyləyib:
"İdmançılarımız burada mübarizə aparmaqdan məmnundurlar. Onlar yüksək səviyyəli idman zallarında yarışmağı xoşlayırlar. İdmançılar Gəncənin və digər şəhərlərin mədəniyyətini çox bəyənirlər. Bu, bir fürsət idi ki, Azərbaycanı daha yaxından tanıyaq. Qarşılaşmalar zamanı rəqabətlər yüksək dərəcədədir".
III MDB Oyunları nazir müavini Belarus
