Idman.biz
Ölkəmizdə təşkil edilən III MDB Oyunları çərçivəsində avarçəkmə yarışları da keçiriləcək.
İdman.biz bildirir ki, təqvimə əsasən avarçəkmə yarışları 5-6 oktyabr tarixlərində Mingəçevirdə, Kür Olimpiya Tədris İdman Mərkəzində baş tutacaq. Azərbaycan komandası turnirdə 20 nəfərlik heyətlə mübarizə aparacaq.
Ceyhun Vəlixanov, Amil Ramazanov, Rüfət Həsənzadə, Tengiz Qaqnidze, Niyaz Məlikov, Elvin Əliyev, Əlimurad Hacızadə, İvan Vorobjanskiy, Hüseyn Həsənov, Nuran Rəhimli, Sahib Əyyubzadə, Vacib Babayev kayak növündə, Hüseyn Səmədli ilə Cavid Vəlizadə kanoedə, Nurlan Paşayev, Cahangir Məmmədli, Azər İlyasov, Sabit Abdullayev, Tunar Məmmədzadə və İsmayıl Şirinov isə akademik avarçəkmədə mükafatçılar sırasına düşməyə çalışacaq.
Qeyd edək ki, III MDB Oyunlarında avarçəkmə yarışlarında ümumilikdə 7 ölkə - Azərbaycan, Belarus, Qazaxıstan, Rusiya, Özbəkistan, Tacikistan və Qırğızıstandan komandalar iştirak edəcək.
