Report.az
Azərbaycan üzgüçülərindən gələcəkdə bundan da yüksək nəticələr gözləyə bilərik.
"Report"un Qərb bürosunun məlumatına görə, bunu Azərbaycan Üzgüçülük Federasiyasının (AÜF) baş katibi Oqtay Atayev III MDB Oyunlarında 13 medal qazanan yığmanın çıxışı barədə jurnalistlərə açıqlamasında bildirib.
O, ümumi nəticənin sevindirici olduğunu, qazanılan medallardan razı qaldıqlarını söyləyib:
"Bildiyiniz kimi, MDB Oyunlarına aşağı yaş qruplarından olan üzgüçülər qoşulurlar. Biz ilk dəfə MDB Oyunlarında medal qazandıq və bu hal çox sevindiricidir Həm təşkilatçılıq, həm də nəticələr baxımından çox razıyıq. Gələcəkdə bizi indikindən də daha gözəl nəticələr əldə edə bilərik.
Federasiyamızda üzgüçülər üçün yeni şərait yaradılıb. Bu şəraitlər və göstərilən dəstək nəticəsində uğurlarımızın daha çox olacağına ümid edirəm."-deyə baş katib deyib.
