Idman.biz
Beynəlxalq Gimnastika Federasiyasının (FIG) İcraiyyə Komitəsi gənclər arasında idman gimnastikası üzrə dünya çempionatının keçiriləcəyi yerlə bağlı qərar qəbul edib.
İdman.biz xəbər verir ki, yarış Filippinin paytaxtı Manilaya həvalə olunub.
Filippin Gimnastika Assosiasiyasının prezidenti Sinthia Karrion seçilmələri ilə bağlı fikirlərini bölüşüb: "Filippin gənclər arasında idman gimnastikası üzrə üçüncü dünya çempionatını keçirməyə layiq görüldüyünə görə çox minnətdar və xoşbəxtdir. FIG ilk dəfə bizə belə bir şərəf verir və bu tədbirin uğurlu olması üçün əlimizdən gələni edəcəyik".
Qeyd edək ki, gənclər arasında idman gimnastikası üzrə dünya çempionatı noyabrın 20-24-də keçiriləcək.
İdman.biz
