Idman.biz
Bolqarıstanın paytaxtı Sofiyada yeniyetmələr arasında bədii gimnastika üzrə dünya çempionatı davam edir.
İdman.biz xəbər verir ki, yarışın ikinci günündə gürzlər və lentlə hərəkətlər üzrə təsnifat mərhələsi keçirilir
Hər növ üzrə ən yaxşı 8 gimnast finala yüksələcək.
Azərbaycan gimnastları da bacarıqlarını nümayiş etdiriblər.
Fidan Qurbanlı gürzlərlə proqramını təqdim edib və 24,800 xal alıb. O, hazırda beşinci yerdə qərarlaşıb, lakin digər qruplardan iştirak edən gimnastların çıxışları hələ davam edir.
Şəms Ağahüseynova isə lentlə çıxış edib və 22,800 xal toplayıb. O, hazırda ilk 8-likdə yer almır.
Qeyd edək ki, ötən gün Azadə Atakişiyeva halqa ilə çıxışda finala vəsiqə qazanıb.
İdman.biz
