Sport24.az
"Udineze" "Uotford"un gürcü yarımmüdafiəçisi Giorgi Çakvetadzeni transfer edib. Sport24.az xəbər verir ki, bu barədə İtaliya klubunun rəsmi saytı məlumat yayıb.
26 yaşlı Çakvetadze "Udineze" ilə müddəti 2030-cu ilin iyununa qədər nəzərdə tutulan müqavilə imzalayıb.
Qeyd edək ki, yarımmüdafiəçi ötən mövsüm "Uotford"un heyətində Çempionşipdə 29 matçda meydana çıxıb və 3 məhsuldar ötürmə ilə yadda qalıb. O, Gürcüstan millisində 39 oyun keçirib və 10 qol vurub.
"Transfermarkt" portalı Çakvetadzeni 3,5 milyon avro dəyərində qiymətləndirir.
