Report.az
Eyni komandanı ardıcıl olaraq 3 gün ərzində 2 dəfə məğlub etmək çətindir.
"Report" xəbər verir ki, bunu "Sabah" basketbol klubunun baş məşqçisi Rimas Kurtinaytis "Neftçi"yə qarşı Azərbaycan Kubokunun 1/4 final matçından sonra klubun mətbuat xidmətinə açıqlamasında deyib.
Mütəxəssis məğlubiyyətə görə üzgün olduqlarını bildirib:
"Komandaya iradım yoxdur. Bacardıqlarını etdilər. Təbii ki, Endər Poladxanlının yoxluğu yerli oyunçu rotasiyası zamanı hiss olunurdu. Həm rotasiya, həm oyun planı baxımdan yeri görünürdü. Eyni komandanı ardıcıl olaraq 3 gün ərzində 2 dəfə məğlub etmək çətindir. Çünki rəqib də oyunu təhlil edib, səhvlərindən nəticə çıxarıb, daha yaxşı oynamağa çalışır. Sona kimi mübarizə apardıq. Növbəti matçlarda yaxşı nəticə əldə etməyə çalışacağıq".
Qeyd edək ki, "Neftçi" - "Sabah" qarşılaşması birincilərin 85:81 hesablı qələbəsi ilə yekunlaşıb.
