Report.az
Qadın voleybolçular arasında Azərbaycan Yüksək Liqasında bu gün XV turun oyunları keçiriləcək.
"Report"un məlumatına görə, saat 16:00-da UNEC - "Milli Aviasiya Akademiyası" və "Murov Az Terminal" - "Abşeron" matçları başlayacaq.
Saat 18:00-da isə "Azərreyl" - "Gəncə" görüşü keçiriləcək. Birinci qarşılaşma UNEC-in idman zalında, digərləri isə Gənclər və İdman Nazirliyinin Voleybol Mərkəzində təşkil olunacaq.
Qeyd edək ki, 14 turdan sonra "Abşeron" 34 xalla liderdir. "Milli Aviasiya Akademiyası" 33 xalla ikinci pillədə qərarlaşıb. Üçüncü sıradakı "Gəncə"nin və dördüncü mövqedəki "Azərreyl"in 22 xalı var. "Murov Az Terminal" 15 xalla beşinci, xalı olmayan UNEC sonuncu - altıncıdır.
