Lent.az
"Mançester Yunayted" "Bayer"in hücumçusu Patrik Şik ətrafında baş verənləri diqqətlə izləyir.
Lent.az-ın xarici mediaya istinadla xəbərinə görə, çexiyalı mərkəz hücumçusu mövqeyi üçün "qırmızı şeytanlar"ın potensial hədəfləri siyahısındadır.
"Mançester Yunayted" son iki ildə gənc hücumçular üçün iki bahalı gediş (Rasmus Qoylund və Coşua Zirkze) etsə də, 29 yaşlı Şik heyəti gücləndirmək üçün maraqlı variant kimi görünür.
Bildirilir ki, tərəflər hələ ki danışıqları aktiv mərhələyə keçirməyiblər.
Şikin Leverkuzen komandası ilə müqaviləsi 2027-ci ilə qədərdir və onun transfer dəyəri 25-30 milyon avro qiymətləndirilir.
Futbolçuya Səudiyyə Ərəbistanından təkliflər var, lakin hazırda Yaxın Şərqə köçmək məsələsi nəzərdən keçirilmir. Çexiyalı bu mövsüm 40 oyunda 23 qol vurub.
