Lent.az
Türkiyədə iki nəfər futbol zamanı yıxılaraq, ölüb.
Lent.az yerli mediaya istinadla bildirir ki, hadisələr 3 həftə aralıqla İstanbul şəhərində qeydə alınıb.
İlk hadisə fevralın 27-də Bakırköy qəsəbəsində yerləşən futbol meydançasında baş verib. Dostları ilə futbol oynayan 20 yaşlı Berat Yelkenbasan qəfil pisləşərək yıxılıb. Xəstəxanaya yerləşdirilən gənc, orada dünyasını dəyişib.
İkinci hadisə martın 13-də Sancaktepe qəsəbəsindəki meydançalardan birində qeydə alınıb. 17 yaşlı Hasan Yalavaç da dostları ilə futbol oynayarkən qəfil pisləşib və yerə yıxılıb. Yeniyetmə xəstəxanaya yerləşdirilsə də, həyatını xilas etmək mümkün olmayıb.
Polis hər iki faktla bağlı araşdırma aparır.
