Sport24.az
Dünən start götürən ağırlıqqaldırma üzrə U-15 və yeniyetmələr arasında Azərbaycan birinciliyinin ikinci günü arxada qalıb. Sport24.az xəbər verir ki, oğlanların yarışında 4 çəki dərəcəsi üzrə qaliblər müəyyənləşib.
15 yaşa qədər olan oğlanların yarışında 55 kq çəki dərəcəsində Feyzulla Rüstəmov toplamda 173 kq (72 kq+ 101 kq) nəticə ilə fəxri kürsünün ən yüksək pilləsinə qalxıb. 61 kq çəki dərəcəsində isə Musab Məmmədtağıyev toplamda 205 kq (95 kq + 110 kq) çəkinin öhdəsindən gələrək birinci olub.
Yeniyetmələrin mübarizəsində 55 kq çəki dərəcəsində Rəhman Mərdəliyev toplamda 126 kq (80 kq + 100 kq) ağırlığı başı üzərinə qaldıraraq, çempion tituluna yiyələnib. 61 kq çəki dərəcəsində isə Murad Həsənli 225 kq (103 kq + 122 kq) nəticə ilə ən güclü olub.
Qeyd edək ki, Azərbaycan birinciliyində ümumilikdə 200-ə yaxın atlet mübarizə aparır. Yarışa sabah yekun vurulacaq.
