Idman.biz
ABŞ-nin tanınmış boksçusu Terens Kroufordun şəxsi saat kolleksiyası "Forbes" tərəfindən 500 min - 1 milyon ABŞ dolları (təxminən 850 min – 1,7 milyon AZN) arasında qiymətləndirilib.
İdman.Biz xəbər verir ki, Krouford öz kolleksiyasını sadəcə lüks deyil, gəlirli investisiya kimi təqdim edir. "Forbes" onun kolleksiyasını belə sıralayıb:
• "Rolex Deepsea"
• "Hublot Big Bang Meca-10"
• "Rolex Submariner"
• "Patek Philippe Aquanaut Travel Time"
• "Audemars Piguet Royal Oak Chronograph"
• "Rolex Sky-Dweller"
• "Ulysse Nardin Blast Free Wheel Marquetry"
Bundan əlavə, boksçuya Kanelo Alvareslə döyüşdən əvvəl sponsorları tərəfindən üzərində "42-0" yazısı olan xüsusi "Rolex Submariner" hədiyyə edilib.
"Forbes" həmçinin bildirir ki, Terens Krouford idman karyerası ilə yanaşı daşınmaz əmlak investisiyalarına da böyük diqqət ayırır. Onun ümumilikdə 80 kommersiya və yaşayış obyekti mövcuddur və bu portfelin dəyəri təxminən 20 milyon dollar (34 milyon AZN) civarındadır. Krouford uzun illərdir ki, daşınmaz əmlak alqı-satqısı və təmiri ilə məşğul olur.
