Idman.biz
Ağır çəkidə mütləq dünya çempionu Aleksandr Usıkin komandası onun qarışıq döyüş növlərində debütü üçün danışıqlar aparır.
İdman.biz xəbər verir ki, ukraynalı boksçunun direktoru Sergey Lapin amerikalı bloger və peşəkar boksçu Ceyk Pol ilə MMA qaydalarına uyğun döyüşün mümkünlüyünü təsdiqləyib.
Lapinin sözlərinə görə, müzakirə artıq başlayıb və potensial tarix 2026-cı ilin ilk aylarıdır: "Həm idman nöqteyi-nəzərindən, həm də tamaşaçılar üçün maraqlı olan variantları nəzərdən keçiririk. MMA-da şanslar daha bərabərdir. Bu, nəhəng qlobal auditoriyaya malik şouya çevrilə bilər".
Peşəkar boksda 12 qələbə və 1 məğlubiyyət olan Ceyk Pol birinci ağır çəki dərəcəsində WBA reytinqində 14-cü pillədə qərarlaşıb. Aleksandr Usik məğlubiyyətsiz olaraq qalır: 24 qələbə (15 nokautla) və dörd kəmər.
Tərəflər razılığa gəlsələr, dünya tarixin gözlənilməz döyüşlərindən birinə - mütləq boks çempionunun MMA-ya keçidinə şahidlik edə bilər.
İdman.biz
