Idman.biz
"Panatinaikos" klubunun səkkiz basketbolçusunun qrip testi müsbət çıxıb və bu, sabahkı Yunanıstan Basketbol Liqasının "Marussi" ilə oyununu təhlükə altına alıb.
Bu barədə İdman.Biz "Eurohoops"a istinadən məlumat verir.
Mənbənin məlumatına görə, oyunçulardan əlavə, işçi heyətindən üç nəfər də yoluxub və yoluxanların bəzilərində qızdırma və burun tıxanıqlığı kimi ağır simptomlar müşahidə olunur.
Virusun komandanın bütün üzvlərinin bir-biri ilə sıx təmasda olduğu Kaunasdan Afinaya uçuş zamanı yayıldığı güman edilir.
Komanda daxilində əlavə yoluxma hallarının olması gözlənilir və hələlik simptomlar bütün oyunçularda görünməyib.
