Idman.biz
40 yaşlı dördqat Milli Basketbol Assosiasiyasının (NBA) çempionu və "Los Anceles Leykers" komandasının hücumçusu Lebron Ceyms 2028-ci il Olimpiya Oyunlarında ABŞ komandasının tərkibində iştirak edib-etməyəcəyi ilə bağlı suala qəti şəkildə cavab verib.
İdman.Biz bildirir ki, 2028-ci il Yay Olimpiya Oyunları ABŞ-ın Los-Anceles şəhərində keçiriləcək.
"Cavabımı artıq bilirsiniz. Mən Kabodan izləyəcəyəm. Biz etdiklərimizdən daha yaxşısını edə bilmərik", - Ceyms "Mind the Game" podkastında deyib.
Lebron ABŞ milli komandası ilə üçqat Olimpiya çempionudur (2008, 2012 və 2024). Ceyms həmçinin 2004-cü il Olimpiadasında bürünc medal qazanıb.
