Idman.biz
Azərbaycan Basketbol Liqasında çıxış edən "Gəncə" klubunun baş məşqçisi Halil Atlının açıqlaması diqqət çəkib.
İdman.Biz xəbər verir ki, türkiyəli mütəxəssis "Abşeron Lions" ilə səfər oyunundan sonra klubun mətbuat xidmətinə verdiyi açıqlamada məğlubiyyətin səbəblərindən danışıb.
"Fasilədən sonra yaxşı hazırlaşdıq. Məşq həftəsini də uğurlu keçirdiyimizi düşünürəm. Çalışdığımız bəzi şeyləri meydanda tam həyata keçirə bilmədik. Oyun əslində nəzarətimizdə idi. Amma üçüncü periodun ilk 5 dəqiqəsində mübarizədən qopduq. Sürətli hücumlarda top itirib əziyyət çəkdik. Sonra 20 xallıq fərqi aradan götürdük, geridönüş elədik. Bu, çətin oldu. Çünki belə fərqi azaltmaq asan bir şey deyil. Yekunda da bir neçə adi səhvdən sonra oyun əlimizdən çıxdı. Rəqibimizi təbrik edirəm, onlar da yaxşı oynadılar", - deyə Halil Atlı bildirib.
