Idman.biz
Bu gün Basketbol üzrə Azərbaycan Kuboku başlayır.
İdman.Biz xəbər verir ki, turnirin 1/8 final mərhələsi çərçivəsində ilk olaraq iki oyun təşkil olunacaq.
Günün ilk matçı saat 17:00-da "Naxçıvan" və "Quba" komandaları arasında baş tutacaq. Saat 20:00-da isə "Neftçi" ilə "Lənkəran" üz-üzə gələcək. Hər iki qarşılaşma Bakı İdman Sarayında keçiriləcək.
Yanvarın 14-də 1/8 finalın digər oyunları oynanılacaq. Həmin gün "Şəki" - "Sərhədçi" və NTD - "Sumqayıt" görüşləri keçiriləcək.
Qeyd edək ki, "Naxçıvan" - "Quba" cütünün qalibi növbəti mərhələdə "Sabah"la, "Neftçi" - "Lənkəran" qarşılaşmasının qalibi isə "Gəncə" ilə üz-üzə gələcək. "Şəki" - "Sərhədçi" matçının qalibi 1/4 finalda "Abşeron Lions"la qarşılaşacaq, NTD - "Sumqayıt" duelinin güclüsü isə "Ordu" ilə münasibətlərə aydınlıq gətirəcək.
1/4 final mərhələsinin oyunlarının fevralın 18-22-si aralığında keçirilməsi nəzərdə tutulub.
